تركيا 🇹🇷 Turkey

تركيا 🇹🇷 Turkey

تركيا 🇹🇷 Turkey

358 358 people viewed this event.
مدفوع

اخيرااا المغامرة المنتظرة واللي اكتر حاجه بنتسأل عليها كل يوم تقريبا 🥳🥳
المغامرة رقم ٥ لتركيا 🇹🇷🥳🥳
بس ميمنعش الاول نقولكم ان ان شاء الله هيبقى في رحلتين كمان غير تركيا في المطبخ بيطبخوا على نار هاديه بس وهنعلن عنهم قريب ان شاء الله 😋😋
احنا ليه بنقول عليها مغامرة عشان احنا بنلف فيها مدن كتير وبنعملها بشكل منظم ومميز جدا الحمدلله
هنبدأ مغامرتنا من يوم الثلاثاء (22 أغسطس) ورحلتنا هتكون (١٣ يوم) وتخلص يوم الأثنين( ٤ سبتمبر) الفجر
هنعمل المرة دي مغامرة من اللي انتوا بتحبوها ميكس المغامرات الجميل اللي عملناه قبل كده كذا مرة وهنروح فيه كذا مدينة ( طرابزون وريزا وايدر و أحلى طبيعة شلالات وجبال وحاجة سبحان الله كانك في الجنة هنفصل فصلة جميلة جدا من ضغوطات الحياه )
وبعدها هننتطلق على انطاليا والمغامرات من Rafting وشلالات وتيلفيريك ومش هننسى فتحية وأجمل بحر وجزر في تركيا عشان نعمل رحلة بحرية ل ١٢ جزيرة من أجمل الجزر في البحر المتوسط وكمان هنعمل احلى paragliding ونط بالبارشوت من فوق اعلي قمه هناك ان شاء الله
وبعد مانخلص جولتنا العظيمة دي ان شاء الله من المغامرات نرجع لأسطنبول عشان نتمشى في شوارعها الجميلة ونزور اهم الأماكن الأثرية هناك ومش هينفع ننسى طبعا الشوبينج قبل مانروح 🛒🛍
الأحلى في المغامرة دي ان هنسمح المره دي يكون في عدد معين من الأهالي يعني تقدر تجيب والدك او والدتك معاك بس هيكون الأولوية لعدد معين بس والباقي هيكونوا شباب وهنعملهم برنامج حلو جدا في الرحلة دي بس بشرط يكونوا بيحبوا السفر وجو المغامرات بتاعنا
كمان لو في Couples فرفوشين كده حابين يجيوا معانا ف مرحب بيهم خصوصا لو شهر عسل او دي اول رحله ليهم بعد الجواز ف هيدلعوا معانا احلى دلع

——————————————————————————————————
📅 السفر هيكون يوم الثلاثاء ٢٢ أغسطس والعودة يوم الأثنين ٤ سبتمبر
✈️السفر هيكون من مطار القاهره والعوده من مطار القاهره والوزن ٤٨ كيلو رايح راجع ان شاء الله
🗺 المدن اللي هنزورها ان شاء الله ( طرابزون ، ريزا ، ايدر ، أوزنجول ، انطاليا ، فتحية ، اسطنبول )
🌎 تقدر تسافر معانا من أي بلد في العالم مش لازم تكون من مصري او عايش في مصر
💵 البادجيت اللي متوقعين نصرفها من 1700 $ ل 2000$ دولار على حسب مصاريفك انت وعلى حسب سعر الطيران اللي هنحجزه
⚠️البادجيت دي المقصود بيها:-
✅ الفيزا (٢٠٨) دولار
✅ الطيران الدولي ( من الغردقة لأسطنبول مباشر ومن أسطنبول للغردقة بوزن ٤٨ كيلو ) على طيران التركية
⚠️ تقدر تحجز معانا من القاهره لو حابب وتدفع الفرق بس هتزيد البادجيت معاك عن اللي فوق
✅ الطيران الداخلي ٣ طيارات ( من أسطنبول لطرابزون – من طرابزون لأنطاليا – من فتحية لأسطنبول )
✅الأكتفيتي اللي هنعملها كلها زي ال Rafting ل Zipline وboat trip و hiking وكل حاجة ممكن تتخيلها معادا (Paragldaing) ( ده بيكون بادجيت لوحده )
✅المواصلات داخل كل مدينة ومن مدينة لمدينة
✅والأقامة في كل المدن وفي الأغلب الفنادق مش بتقل عن ٣ نجوم ولكن احيانا بيكون في شقق فندقية بتعادل نفس نضافة الفنادق واكتر
✅ الأكل والشرب بمتوسط بادجيت طبيعية لكل يوم
✅ وكل حاجه حرفيا معادا الشوبينج يمكن لو مسكت نفسك شوية هناك هتبقى بالشوبينج كمان😁
👥 عددنا هيكون في الأغلب ١٥ مغامر عشان نقدر ننسبط ونلف براحتنا
🏘 الأقامة بتكون في فنادق في الأغلب مبتقلش عن ٣ نجوم وشقق فندقية و Hostels والغرف احيانا بيكون فيها اكتر من ٣ اشخاص
🤸هنعمل Activities كتير زوي من أول ال Rafting ل Zipline ل Paragldaing وboat trip و hiking وكل حاجة ممكن تتخيلها

——————————————————————————————————

——————————————————————————————————
⚠️كل واحد يقدر يجي او يرجع في الوقت اللي يناسبه على حسب هو حابب يعمل ايه
⚠️تقدر تحجز التذكرة او السعر اللي يناسبك مش مربوط بطيران معين او سعر معين
⚠️ حتى لو كنا عملنا الرحلة دي قبل كدة كذا مرة ف احنا بنسافر كل مرة عشان نروح نستكشف اماكن وحاجات جديدة فلازم يكون عندك تقبل للسفر بالطريقة دي
⚠️ احنا بنختار الناس اللي تسافر معانا بدون تحيز لجنسية معينة او لديانة او اي حاجة تماما بس بنحاول نخلي الجروب يكون شبهه بعضه عشان نقدر نندمج مع بعض وتكون مغامرة جميلة
⚠️ احنا عارفين ان ممكن يكون في اعلانات لرحلات ارخص لتركيا بس صدقني باللفة اللي احنا بنتكلم فيها دي مستحيل تلاقي سعر أقل من كده وكمان لازم تتأكد ان اي شركة اكيد هيكون السعر شامل الطيران والأقامة بس ! ( ملوش علاقه بسعر الفيزا ولا سعر البرنامج ولا الأكل والشرب وكل الكلام ده )
⚠️ لازم عشان تسافر معانا تبقى فاهم فكرة الجروب وان احنا بنسافر اصحاب ولو محتاج تاخد لفه في الجروب الأول وتشوف رحلاتنا اللي قبل كده هيكون أفضل
متنساش تسجل في الفورم عشان تكون معانا وبنرد عليكم في خلال ٤٨ ساعة
ونعرفكم باقي التفاصيل عشان نبدأ نجهز الورق والفيزا سوا

Ticket Information

تذكرة حضور
1.000,00 EGP
Sales Ended: 2023-08-31 12:00 صباحًا
- Already registered for this event.
Event registration closed.
 

Date And Time

2024-02-01 to
2024-02-29
 

تاريخ انتهاء التسجيل

2024-01-01
 

الموقع

 

أنواع الأحداث

 

تصنيف الحدث

Share With Friends